Na Mwandishi wetu, Roma

Ubalozi wa Tanzania nchini Italia umekutana na kufanya Mkutano Mkuu na Jumuiya mbalimbali za Watanzania wanaoishi maeneo mbalimbali nchini Italia (Diaspora) kwaajili ya kuimarisha mahusiano na ushirikiano baina ya pande mbili.

Akifungua mkutano huo mwishoni mwa wiki, Balozi wa Tanzania nchini Italia, Mhe. Mahmoud Thabit Kombo alitoa wito kwa Watanzania hao kuendelea kushirikiana na Serikali katika kuiletea Tanzania maendeleo.

“Nawashauri kujisajili katika daftari la Diaspora wa Italia ili kuwa na takwimu na kumbukumbu sahihi za Watanzania waliopo Italia. Takwimu na kumbukumbu hizi zitasaidia Ubalozi kuwaunganisha Wanadiaspora na wabia wa maendeleo ambao wana nia au tayari wanaendesha shughuli zao nchini Tanzania na wanahitaji kushirikiana na Diaspora,” Amesema Balozi Kombo.

Pamoja na mambo mengine, mkutano huo ulijadili masuala mbalimbali yanayowahusu wanadiaspora ikiwemo changamoto za kiutendaji na ushirikiano katika Jumuiya zao ambazo zilianishwa wazi kwenye taarifa za kiutendaji zilizowasilishwa na Viongozi wa Jumuiya.

Mkutano uliazimia kuendelea kuimarisha mahusiano na ushirikiano baina ya Wanadiaspora na Ubalozi kwa kuanisha mkakati thabiti wa kuboresha mawasiliano baina ya pande mbili.

Aidha, wanadiaspora hao wameahidi kuendelea kushirikiana na Ubalozi wa Tanzania nchini Italia  katika kuiletea nchi yao maendeleo kwa kuwekeza nchini kwao. Kadhalika, Ubalozi umeahidi kutafuta suluhu ya kudumu dhidi ya changamoto zinazowakabili wanadiaspora waishio nchini Italia.

Mkutano huo ulihudhuriwa pia na wanadiaspora takriban 100 akiwemo Mhashamu Baba Askofu Mkuu Protase Rugambwa, Katibu Baraza la Kipapa la Uinjilishaji wa Watu.

Nchini Italia zipo Jumuiya sita zinazotoka maeneo ya Roma, Napoli, Modena Central North, Genova, Modena na Umoja wa Watanzania Wakatoliki unaojumuisha Waklero, Watawa, Waseminari na walelewa wa Utawa wanaofanya kazi za kitume hapa Italia.

Balozi wa Tanzania nchini Italia, Mhe. Mahmoud Thabit Kombo akiongea na Wanadiaspora (hawapo pichani) wanaoishi nchini Italia wakati wa Mkutano

Katibu wa Jumuiya ya Watanzania Roma akiwasilisha Bi. Anastacia Lubangila, taarifa ya Jumuiya hiyo wakati wa mkutano

Mhashamu Baba Askofu Mkuu, Protase Rugambwa akifuatalia majadiliano

Mwenyekiti Kamati Kuu ya Wanadiaspora Italia Bw. Maulid Kagutta, akiwasilisha taarifa ya Diaspora Italia 

Balozi Kombo akipokea picha ya nembo rasmi ya Jumuiya ya Watanzania Genova kutoka kwa Bi. Eva Nangela, Mwenyekiti wa Jumuiya (kushoto). Wanaoshuhudia (kulia) ni Bi. Zakia Kombo, Mwenza wa Mhe. Balozi; Baba Askofu Mkuu Rugambwa na Maafisa Ubalozi, Bw. Sigfried Nnembuka pamoja na Jacqueline Mbuya. 

Wanadiaspora wakifuatilia mkutano

Wanadiaspora wakifuatilia mkutano

Waziri wa Mambo ya Nje na ushirikiano wa Afrika Mashariki Mhe. Balozi Liberata Mulamula (kushoto) akimsikiliza Bw. Hussyan Alrashid , Mkurugenzi wa Idara ya Afrika - Wizara ya Mambo ya Nje ya Saudi Arabia (katikati) katika uwanja wa ndege wa Kimataifa wa jjini Riyadh alipompokea Mhe. Waziri Mulamula alipowasili nchini Saudi Arabia

Waziri wa Mambo ya Nje na ushirikiano wa Afrika Mashariki Mhe. Balozi Liberata Mulamula akiwa na mwenyeji wake kulia akizungumza alipowasili katika uwanja wa ndege wa jijini Riyadh nchini Saudi Arabia kuanza ziara ya kikazi nchini humo, wa kushoto kwa Mhe. Waziri ni Waziri wa Mifugo na Uvuvi Mhe. Mashimba Ndaki na wa kwanza kushoto ni Balozi wa Tanzania nchini Saudi Arabia Mhe. Ali Mwadini

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa na mwenyeji wake kulia akizungumza alipowasili katika uwanja wa ndege wa jijini Riyadh nchini Saudi Arabia kuanza ziara ya kikazi nchini humo, wa kushoto kwa Mhe. Waziri ni Waziri wa Mifugo na Uvuvi Mhe. Mashimba Ndaki na wa kwanza kushoto ni Balozi wa Tanzania nchini Saudi Arabia Mhe. Ali Mwadini

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kulia) katika kikao cha paamoja na timu aliyoambatana  nayo nchini Saudi Arabia kwa ajili ya kujipanga kwa pamoja wakati wa ziara ya kikazi nchini humo mara baada ya kuwasili.  Kushoto  ni Balozi wa Tanzania nchini Saudi Arabia Mhe. Ali Mwadini  akimsikiliza.

Waziri wa Mifugo na Uvuvi Mhe. Mashimba Ndaki (wa kwanza kulia) Mkurugenzi wa Idara ya Mashariki ya Kati Wizara ya Mambo ya Nje na Ushirikiano wa Afrika Mashariki Balozi  Hemedi Mgaza (wa pili kutoka kulia) akiwa na maafisa wengine wakimsikiliza Balozi wa Tanzania nchini Saudi Arabia hayupo pichani wakati wa kikao cha pamoja kuhusu ziara ya Waziri wa Mambo ya Nje wa Tanzania nchini Saudi Arabia mara baada ya kuwasili nchini humo

Balozi wa Tanzania nchini Saudi Arabia Mhe. Ali Mwadini  (katikati) akizungumza katika kikao cha kujipanga huku Waizri wa Mambo ya Nje na Ushirikiano wa Afrika Mashariki Balozi Liberata Mulamula (kushoto ) akimsikiliza na kulia kwa Mhe. Balozi ni Mwenyekiti wa Chama cha Wafanyabiashara na Wenye Viwanda nchini (TCCIA )Bw. Pal Koyi  akiandika yanayojiri.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula, amewasili nchini Saudi Arabia kwa ziara ya kikazi kuanzia tarehe 9 hadi 12 Machi 2022. Ziara hiyo inafuatia mualiko uliotolewa na Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud, alipotembelea Tanzania mwezi Machi 2021. 

Katika ziara hiyo Balozi Mulamula ameambatana na Waziri wa Mifugo na Uvuvi Mhe. Mashimba Ndaki, Waziri wa Maliasili na Utalii Mhe. Dkt. Damas Ndumbaro, Kituo cha Uwekezaji Tanzania (TIC) Mamlaka ya Uwekezaji Zanzibar (ZIPA) na wawakilishi wa wafanyabiashara, wenye Viwanda na Wakulima kutoka Tanzania Bara.

Akiwa nchini Saudi Arabia Mhe. Waziri Mulamula anatarajiwa kukutana na kufanya mazungumzo na mwenyeji wake Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud na Waziri wa Biashara na Uwekezaji Mhe. Dkt. Majid bin Abdullah  Al- Qasabi,  viongozi wengine wanaosimamia sekta za sekta za Mifugo na Utalii na wafanyabiashara  na wenye viwanda wa Saudi Arabia.

Balozi Mulamula na ujumbe wake wanatarajia pia kukutana na viongozi wa Jumuiya ya Watanzania wanaoishi nchini humo na wafanyabiashara marafiki wa Tanzania mjini Riyadh.

Balozi Mulamula na ujumbe wake pia wanatarajia kukutana na kuzungumza na Jumuiya ya Wafanyabiashara wa miji ya Jeddah na Makkah katika mkutano utakaofanyika jijini Jeddah..

Balozi Mulamula na ujumbe wake watarejea nyumbani tarehe 13 Machi 2022.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (katikati) akizungumza katika kikao na Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabi na ujumbe wake hawapo pichani walipokutana katika ofisi za Wizara hiyo jijini Riyadh

Waziri wa Mifugo na Uvuvi Mhe. Mashimba Ndaki (wa pili kulia ) akizungumza katika kikao na Waziri wa Biashara na Uwekezaji wa Saudi Arabia (hawapo pichani) wa kwanza kulia ni Mkurugenzi wa Idara ya Mashariki ya Kati Wizara ya Mambo ya Nje na Ushirikiano wa Afrika Mashariki Balozi Hemedi Mgaza. Wa kwanza kushoto ni Balozi wa Tanzania nchini Saudi Arabia Mhe. Ali Mwadini akifuatilia mazungumzo hayo katika kikao kilichofanyika jijini Riyadh

Ujumbe wa Saudi Arabia (kushoto) katika kikao cha pamoja na ujumbe wa Tanzania (kushoto) walipokutana katika Ofisi za Wizara ya Biashara na Uwekezaji jijini Riyadh

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (wa nne kutoka kushoto) akizungumza katika kikao na Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabi na ujumbe wake hawapo pichani walipokutana katika kikao jijini Riyadh.

Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabi (wa pili kushoto) akiwa  na ujumbe wake akizungumza katika kikao na Waziri Mambo ya Nje na Ushirikiano wa Afrika Mashariki Mhe. Balozi Liberata Mulamula na ujumbe wake hawako pichani walipomtembelea ofisini kwake jijini Riyadh

Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabi akimpa zawadi Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula baada ya  kumalizika kwa kikao chao kilichofanyika katika Ofisi za Wizara hiyo jijini Riyadh- Saudi Arabia.

Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabiakimpa zawadi Waziri wa Mifugo na Uvuvi Mhe. Mashimba Ndaki baada ya kumalizika kwa kikao kilichofanyika katika Ofisi za Wizara hiyo jijini Riyadh- Saudi Arabia.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula, akimpa zawadi Waziri wa Biashara na Uwekezaji wa Saudi Arabia Mhe. Dkt. Majid bin Abdullah  Al- Qasabi baada ya  kumalizika kwa kikao chao kilichofanyika katika Ofisi za Wizara hiyo jijini Riyadh- Saudi Arabia.

Waziri wa Biashara na Uwekezaji wa Saudi  Arabia Mhe. Dkt. Majid bin Abdullah  Al- Qasabi (aliyenyoosha mikono) akielezea jambo wakati akiwasindikiza Waziri Mulamula na ujumbe wake mara baada ya kumalizika kwa kikao chao kilichofanyika katika ukumbi wa mikutano wa Wizara hiyo jijini Riyadh nchini humo.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula, amekutana na kufanya mazungumzo na Waziri wa Biashara na Uwekezaji Mhe. Dkt. Majid bin Abdullah  Al- Qasabi katika Ofisi za Wizara hiyo jijini Riyadh- Saudi Arabia.

Waziri Mulamula amemuhakikishia Mhe. Dkt. Al-Qasabi utayari wa Tanzania katika kushirikiana na Saudi Arabia kuptia sekta za mifugo, uvuvi, uwekezaji na usafiri wa anga.

Katika ziara hiyo Balozi Mulamula ameambatana na Waziri wa Mifugo na Uvuvi Mhe. Mashimba Ndaki, Waziri wa Maliasili na Utalii Mhe. Dkt. Damas Ndumbaro, Mkurugenzi wa Idara ya Mashriki ya Kati kutoka Wizara ya Mambo ya Nje na Ushirikiano wa Afrika Mashariki Balozi Hemedi Mgaza, kaimu Mkurugenzi Kituo cha Uwekezaji Tanzania (TIC)  Bibi Anna Lyimo na wawakilishi wa wafanyabiashara, wenye Viwanda na Wakulima kutoka Tanzania Bara .

Balozi Mulamula na ujumbe wake wanatarajia pia kukutana na viongozi wa Jumuiya ya Watanzania wanaoishi nchini humo na wafanyabiashara marafiki wa Tanzania walioko jijini Riyadh.

Balozi Mulamula na ujumbe wake pia wanatarajia kukutana na kuzungumza na Jumuiya ya Wafanyabiashara walioko katika miji ya Jeddah na Makkah katika mkutano utakaofanyika jijini Jeddah.

Waziri Mulamula na ujumbe wake waliwasili nchini Saudi Arabia kwa ziara ya kikazi tarehe 9 ikiwa ni mualiko uliotolewa na Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud, alipotembelea Tanzania mwezi Machi 2021.  Balozi Mulamula na ujumbe wake wanatarajia kurejea nyumbani tarehe 13 Machi 2022.

Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud (kulia) akizungumza na Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kushoto) aliyekwenda Ofisi za Wizara ya Mambo ya Nje ya Saudi Arabia jijini Riyadh kuonana naye wakati wa ziara ya kikazi nchini humo.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kushoto) akiwa katika mazungumzo na Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud (kulia) alipowasilli katika Ofisi za Wizara ya Mambo ya Nje ya Saudi Arabia jijini Riyadh.

Ujumbe wa Tanzania ukiongozwa na Waziri wa Mambo ya Nje na Ushirikiano wa Afrika Mashariki Mhe Balozi Liberata Mulamula ukiwa nje ya Ofisi za Wizara ya Mambo ya Nje ya Saudi Arabia baada ya kumalizika kwa mazungumzo na Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud ulipokwenda kuonana naye katika Ofisi za Wizara ya Mambo ya Nje ya Saudi Arabia jijini Riyadh

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula katika picha na makamu Mwenyekiti wa Shirikisho la Wafanyabiashara na wenye viwanda nchini Saudi Arabia Bw. Tariq Al Haidary walipokutana jijini Riyadh

Ujumbe wa Tanzania ukiongozwa na Balozi Liberata Mulamula katika picha ya pamoja kabla ya kikao na viongozi wa Shirikisho la wafanyabiashara na wenye viwanda nchini Saudi Arabia kilichofanyika katika Ofisi za Shirikisho hlo jijini Riyadh.

Balozi Liberata Mulamula akizungumza katika  kikao na viongozi wa Shirikisho la wafanyabiashara na wenye viwanda nchini Saudi Arabia kilichofanyika katika Ofisi za Shirikisho hilo jijini Riyadh

Balozi wa Tanzania nchini Saudi Arabia Mhe. Ali Mwadini (kulia) akiwa na Mkurugenzi wa Idara ya Mashariki ya Kati Wizara ya Mambo ya Nje na Ushirikiano wa Afrika Mashariki Balozi Hemedi Mgaza (katikati) na Afisa Dawati Wizara ya Mambo ya Nje na Ushirikiano wa Afrika Mashariki Davis Byarugaba wakifuatilia kikao na Shirikisho la  Wafanyabiashara na wenye viwanda Saudi Arabia

Ujumbe wa Tanzania ukikabidhi zawadi kwa Makamu mwenyekiti wa Shirikisho la  wafanyabiashara na wenye viwanda nchini Saudi Arabia Bw. Tariq Al Haidary baada ya kikao na viongozi wa shirikisho hilo kilichofanyika katika Ofisi za Shirikisho hilo jijini Riyadh

Waziri wa Mifugo na Uvuvi Mhe. Mashimba Ndaki akipokea zawadi kutoka kwa Makamu Mwenyekiti wa Shirikisho la wafanyabiashara na wenye viwanda nchini Saudi Arabia Bw. Tariq Al Haidary baada ya kikao na viongozi wa shirikisho hilo kilichofanyika katika Ofisi za Shirikisho hlo jijini Riyadh

Balozi Liberata Mulamula akipokea zawadi kutoka kwa Shirikisho la wafanyabiashara na wenye viwanda nchini Saudi Arabia baada ya kikao na viongozi wa shirikisho hilo kilichofanyika katika Ofisi za Shirikisho hilo jijini Riyadh

Na mwandishi wetu, Riyadh

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula, amekutana na kufanya mazungumzo na Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud alipomtembelea katika Ofisi za Wizara hiyo jijini Riyadh- Saudi Arabia.

Katika mazungumzo yao Waziri Mulamula amemuhakikishia mwenyeji wake Mwana Mfalme, Mtukufu Faisal bin Farhan Al Saud kwamba Tanzania iko tayari kushirikiana na Saudi Arabia na kuendelea kuimarisha uhusiano mzuri uliopo kati ya nchi hizo.

Balozi Mulamula pia amemuhakikishia mwenyeji wake juu ya utayari wa Tanzania katika kufanya biashara na Saudi Arabia ikiwa ni pamoja na kuelezea fursa za uwekezaji zilizopo Tanzania kupitia sekta za mifugo, uvuvi, kilimo, utalii na usafiri wa anga.

Naye Mwana Mfalme, Mtukufu Faisal bin Farhan Al Saud alimuhakikishia Mhe Waziri juu ya nia na utayari wa Saudi Arabia kufanyabiashara na kuwekeza Tanzania kwa ajili ya kuzinufaisha nchi zote mbili.

Katika mazungumzo yao viongozi hao wamesisitiza umuhimu wa Tanzania na Saudi Arabia kuendelea kushirikiana na kuhakikisha biashara za uwekezaji vinashamiri baina ya nchi hizo.

Katika hatua nyingine Waziri Mulamula amekutana na viongozi wa Jumuiya ya wafanyabiashara na wenye viwanda wa Saudi Arabia jijini Riyadh na kuelezea fursa za biashara na uwekezaji zinazopatikana nchini na kuainisha maeneo ya kipaumbele kwa sasa.

Maeneo yaliyoainishwa kama kipaumbele katika kikao hicho ni pamoja na kilimo, mifugo, uvuvi, utalii na usafiri wa anga.

Waziri Muamula ametumia kikao hicho kuwaalika nchini wanachama wa jumuiya hiyo kwa ajili ya kushiriki Maonesho ya Kimaatafa ya Biashara ya Dar es Salaam maarufu Sabasaba yanayofanyika kila mwaka jijini Dar es Salaam mwezi Julai

Viongozi wa jumuiya hiyo wameshukuru kupata nafasi ya kuonana na ugeni huo kutoka Tanzania ambao ulijumuisha Waziri wa Mifugo na Uvuvi Mhe. Mashimba Ndaki, Mwenyekiti wa Wafanyabiashara na wenye viwanda nchini (TCCIA) Mr. Joseph Koyi, kaimu Mkurugenzi wa Kituo cha Uwekezaji nchini (TIC) bibi Anna Lyimo na wawakilishi wa wafanyabiashara kutoka Tanzania Bara.

 Waziri Mulamula na Ujumbe wake wako nchini Saudi Arabia kwa ziara ya kikazi kufuatia mwaliko wa Waziri wa Mambo ya Nje wa Saudi Arabia Mwana Mfalme, Mtukufu Faisal bin Farhan Al Saud, alioutoa mwezi Machi 2021 alipotembelea Tanzania. 

Katika ziara hiyo Balozi Mulamula ameambatana na Waziri wa Mifugo na Uvuvi Mhe. Mashimba Ndaki, Waziri wa Maliasili na Utalii Mhe. Dkt. Damas Ndumbaro,  mwakilishi wa TAWA, Kituo cha Uwekezaji Tanzania (TIC) na wawakilishi wa Wafanyabiashara na Wenye Viwanda nchini.

Balozi Mulamula na ujumbe wake wanatarajia pia kukutana na viongozi wa Jumuiya ya Watanzania wanaoishi nchini Saudi Arabia, wafanyabiashara marafiki wa Tanzania wa jijini Riyadh na Jumuiya ya Wafanyabiashara katika miji ya Jeddah na Makkah atakaokutaana nao jijini Jeddah. Balozi Mulamula na ujumbe wake wanatarajia kurejea nyumbani tarehe 13 Machi 2022.

Waziri wa Mabo ya Nje na Ushirikiano wa Afrika Mashariki Balozi Liberata Mulamula alipowasili katika ofisi za Ubalozi wa Tanzania nchini Saudi Arabia jijini Riyadh na kuzungumza na watumishi wa Ubalozi huo.

Balozi Liberata Mulamula (katikati) akiwa na Waziri wa Mifugo na Uvuvi Mhe. Mashimba Ndaki (kushoto) na Balozi wa Tanzania nchini Saudi Arabia Mhe. Ali Mwadini  (kulia) wakiangalia picha ukutani (hazipo ktika picha) walipowasili katika Ofisi za Ubalozi wa Tanzania jijini Riyadh kwa ajili ya kukagua ubalozi huo na kuzungumza na watumishi.

Balozi Liberata Mulamula (katikati) akisikiliza maelezo kutoka kwa Balozi wa Tanzania nchini Saudi Arabia Mhe. Ali Mwadini  (wa kwanza kulia) huku Mkurugenzi wa Idara ya Mashariki ya Kati Wizara ya Mambo ya Nje na Ushirikiano wa Afrika Mashariki Balozi Hemedi Mgaza (kushoto) akifuatilia mazungumzo hayo.

Balozi wa Tanzania nchini Saudi Arabia Mhe. Ali Mwadini  (kulia) akiwaonesha kitu Balozi Liberata Mulamula (katikati) na Waziri wa Mifugo na Uvuvi Mhe. Mashimba Ndaki (kushoto) walipotembelea Ofisi za Ubalozi wa Tanzania jijini Riyadh .

Balozi Liberata Mulamula akisaini kitabu cha wageni katika Ofisi za Ubalozi wa Tanzania jijini Riyadh alipotembelea na kuzungumza na watumishi wa Ubalozi.

Waziri wa Mifugo na Uvuvi Mhe. Mashimba Ndaki (kushoto) akisaini kitabu cha wageni katika Ofisi za Ubalozi wa Tanzania nchini Saudi Arabia walipotembelea Ofisi hizi jijini Riyadh .

Waziri wa Mambo ya Nje na Ushirikiano wa Afrika Mashariki Balozi Liberata Mulamula (katikati) akizungumza na watumishi wa Ubalozi wa Tanzania nchini Saudi Arabia alipotembelea Ofisi hizo jijini Riyadh.

kikao kikiendelea katika Ofisi za Ubalozi jijini Riyadh

Waziri wa Mambo ya Nje na Ushirikiano wa Afrika Mashariki Balozi Liberata Mulamula (katikati) katika picha ya pamoja na watumishi wa Ubalozi wa Tanzania nchini Saudi Arabia alipotembelea Ofisi hizo jijini Riyadh.

Waziri wa Mambo ya Nje na Ushirikiano wa Afrika Mashariki Balozi Liberata Mulamula (katikati) katika picha ya pamoja na watumishi wa Ubalozi wa Tanzania nchini Saudi Arabia alipotembelea Ofisi hizo jijini Riyadh.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula ametembelea Ofisi za Ubalozi wa Tanzania nchini Saudi Arabia nchini humo.

Akizungumza na Watumishi wa Ubalozi jijini Riyadh, Balozi Mulamula amewataka kuzingatia ulinzi wa taswira ya nchi yao hasa kwa kuzingatia mienendo ya maisha yao na kauli zao pia.

“Chochote mnachofanya ndio sura na kioo cha Jamhui ya Muungano wa Tanzania huku, nawaombeni sana kuzingatia hilo, japo ni kweli kwa mienendo yenu hatuwaingilii lakini hamna budi kujua kuwa nyie ni taswira ya nchi yetu huku,” alisema Balozi Mulamula.

Balozi Mulamula pia amewataka watumishi hao kuhakikisha wanafuata na kuzingatia misingi na kanuni za utumishi wa umma licha ya kutekeleza majukumu yao nje ya Tanzania.

Pia amewataka Mabalozi na watumishi walioko katika balozi za Tanzania kuendela kuwa walezi wa Watanzania popote walipo na kuwa tayari kuwasaidia pale watakapohitaji msaada kutoka katika balozi hizo.

Balozi wa Tanzania nchini Saudi Arabia Mhe. Ali Mwadini (kushoto) akiwa amekaa na Waziri wa Mambo ya Nje na Ushirikiano wa Afrika Mashariki Nyumbani kwake jijini Riyadh wakati alipomualika Mhe. Waziri kuzungumza na Watanzania wanaoishi nchini Saudi Arabia wakati Waziri Mulamula alipokuwa na ziara ya kikazi nchini humo

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akizungumza na viongozi wa Watanzania wanaoishi nchini Saudi Arabia wakati alipokutana nao nyumbani kwa Mhe. Balozi Mwadini jijini Riyadh

Mwakilishi wa Watanzania wanaoishi nchini Saudi Arabia Bi Amina akisoma risala kwa Balozi Mulamula wakati alipokutana na Watanzania wanaoishi nchini Saudi Arabia  nyumbani kwa Balozi wa Tanzania jijini Riyadh

Bi Amina akiwasilisha nakala ya risala aliyoisoma kwa Mhe. Waziri Mulamula alipokutana na Watanzania wanaoishi nchini Saudi Arabia nyumbani kwa Balozi wa Tanzania jijini Riyadh

Mwakilishi wa Watanzania wanawake wanaoishi nchini Saudi Arabia akimkabidhi zawadi Balozi Mulamula wakati alipokutana na Watanzania wanaoishi nchini Saudi Arabia  nyumbani kwa Balozi wa Tanzania jijini Riyadh

Mwenyekiti wa Jumuiya ya Watanzania wanaoishi nchini Saudi Arabia Dkt. Msechu akimkabidhi zawadi Balozi Mulamula wakati alipokutana na Watanzania wanaoishi nchini Saudi Arabia  nyumbani kwa Balozi wa Tanzania jijini Riyadh

Balozi Mulamula mwenye (ushungi wa bluu) akiwa na Waziri wa Maliasili na Utaalii Mhe. Dkt. Damas Ndumbaro (kushoto) Waziri wa Mifugo na Uvuvi Mhe. Mashimba Ndaki (kulia) pamoja na viongozi wa Jumuiya ya Watanzania wanaoishi nchini Saudi Arabia wakati walipokutana na Mawaziri hao nyumbani kwa Balozi wa Tanzania nchini Saudi Arabia Mhe. Ali Mwadini jijini Riyadh.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula amekutana na kufanya mazungumzo na Watanzania wanaoishi nchini Saudi Arabia na kuwataka kuendelea kuwa mabalozi wazuri wa Tanzania nchini humo.

Balozi Mulamula amekutana na Watanzania hao jijini Riyadh katika kikao kilichofanyika nyumbani kwa Balozi wa Tanzania nchini Saudi Arabia Mhe. Ali Mwadini.

Akizungumza na Watanzania hao Balozi Mulamula amesisitiza juu ya umuhimu wa Watanzania hao kuishi kwa kufuata sheria na kanuni za nchi hiyo kwani kufanya hivyo kutaendelea kulinda taswira nzuri ya nchi yao.

Balozi Mulamula pia amewahahakishia watanzania hao juu ya nia ya Serikali ya kufanyia kazi mawazo na maoni yao ili kuwa kuwa na amani.

‘’Niwahakikishieni ndugu zetu mlioko huku, serikali yenu ni sikivu inathamini na kujali maoni mnayoyatoa na inayafanyia kazi, na muda si mrefu mtaona tulipofikia,” alisema Balozi Mulamula.

Awali katika risala yao kwa mhe. Waziri Watanzania hao walielezea changamoto na mafanikio yaliyopatikana kupitia umoja wao na kuiomba serikali kufanyia kazi changamoto wanazozipata hasa wakati wa kuondoka nyumbani.

Na Waandishi Wetu, Dar

Waziri wa Mambo ya Nje na Ushikirikiano wa Afrika Mashariki Balozi Liberata Mulamula ametaja maeneo 11 ambayo Wizara inajivunia katika kipindi cha mwaka mmoja wa Serikali ya Awamu ya Sita madarakani chini ya uongozi wa Rais Samia Suluhu Hassan. 

Akiongea na waandishi wa Habari Jijini Dar es Salaam, Balozi Mulamula amesema Wizara ya Mambo ya Nje katika kipindi cha mwaka mmoja wa Serikali ya Awamu ya Sita Wizara imetekeleza majukumu yake kwa mafanikio.

Balozi Mulamula ameyataja mafanikio hayo kuwa ni kusainiwa kwa makubaliano na mikataba ya ushirikiano katika nyanja za kiuchumi, kijamii na kisiasa kufuatia ziara mbalimbali zilizofanywa na viongozi wa Kitaifa nje ya nchi na Wakuu wa nchi na Mashirika ya Kimataifa kutembelea nchini. 

“Ziara hizo pia zimewezesha upatikanaji wa misaada na mikopo ya masharti nafuu ambapo fedha kiasi cha Shilingi Trilioni 1.77 na Euro milioni 425 kutoka Kamisheni ya Umoja wa Ulaya zilipatikana, wakati huohuo Tanzania ilichaguliwa na nchi 192 wanachama wa Umoja wa Mataifa kuwa Makamu wa Rais wa Mkutano wa 76 wa Baraza Kuu la Umoja wa Mataifa, ambapo katika uchaguzi huo, Tanzania ilipita bila kupingwa, mara ya mwisho Tanzania kupata nafasi hiyo ilikuwa mwaka 1991,” amesema Balozi Mulamula.

Mafanikio mengine ni kufunguliwa kwa Balozi mpya mbili katika nchi za Austria na Indonesia na Konseli Kuu tatu katika miji ya Lubumbashi, Jamhuri ya Kidemokrasia ya Congo, Shanghai na Guangzhou nchini China, ikiwa ni pamoja na ukarabati wa majengo katika balozi za Tanzania.

Mafanikio mengine ni kuongezeka kwa wawekezaji kutoka nje ambapo wengi wameonesha dhamira ya kuwekeza nchini katika sekta mbalimbali. 

Balozi Mulamula amesema Lugha ya Kiswahili kwa mara ya kwanza kiswahili kimetambuliwa na Shirika la Umoja wa Mataifa la Elimu, Sayansi na Utamaduni (UNESCO) na kuwekewa siku maalum ya kuadhimishwa duniani ambayo ni tarehe 7 Julai kila mwaka. Niwakumbushe kuwa, Kiswahili ni lugha ya kwanza ya kiafrika kupewa hadhi hiyo na UNESCO," Amesisitiza Balozi Mulamula.

Mafaniko mengine yaliyoainishwa na Mhe. Waziri wakati wa mkutano huo ni pamoja na kuondolewa kwa vikwazo 56 kati ya 64 vya kibiashara kufuatia maagizo ya Marais wa Kenya na Tanzania. Aidha, vikwazo vingine vinane viliondolewa na Mawaziri wa Biashara wa nchi hizi mbili walipokutana Zanzibar tarehe 13 Machi 2022.

Kadhalika, Waziri Mulamula amesema Wizara yake itaendelea kutekeleza Sera ya Mambo ya Nje hususan kwenye masuala ya kukuza uchumi wa nchi kwa kuhamasisha uwekezaji kutoka nje, biashara na utalii. 

Balozi Mulamula amehitimisha na Suala la Watanzania waliokuwa wamekwama nchini Ukraine ambapo amesema serikali imechukua hatua mbalimbali za kuhakikisha raia wake wanakuwa salama pamoja na changamoto hizo. 

“Napenda kuwafahamisha kuwa, zoezi la kuwaondoa Watanzania wote waliokuwepo nchini humo wakiwemo Wanafunzi limekamilika ambapo hadi sasa takribani Watanzania 300 wamefanikiwa kuondoka na kuelekea nchi jirani na baadhi yao wamerejea hapa nchini”, amesema Balozi Mulamula.

Waziri wa Mambo ya Nje na Ushikirikiano wa Afrika Mashariki Balozi Liberata Mulamula akiongea na waandishi wa habari (hawapo pichani) wakati akiwasilisha taarifa ya mafanikio yaliyopatikana katika kipindi cha mwaka mmoja wa Serikali ya Awamu ya Sita chini ya uongozi wa Rais Samia Suluhu Hassan katika Ofisi Ndogo za Wizara Jijini Dar es Salaam

Waziri wa Mambo ya Nje na Ushikirikiano wa Afrika Mashariki Balozi Liberata Mulamula akisikiliza moja kati ya maswali yaliyoulizwa na baadhi ya waandishi wa habari (hawapo pichani) alipowasilisha taarifa ya mafanikio yaliyopatikana katika kipindi cha mwaka mmoja wa Serikali ya Awamu ya Sita

Waziri wa Mambo ya Nje na Ushikirikiano wa Afrika Mashariki Balozi Liberata Mulamula akiongea na waandishi wa habari  alipokuwa akiwasilisha taarifa ya mafanikio yaliyopatikana katika kipindi cha mwaka mmoja wa Serikali ya Awamu ya Sita

Na Waandishi wetu, Dar

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) amepokea nakala ya Hati za Utambulisho kutoka kwa Balozi Mteule wa Malawi nchini Mhe. Andrew Kumwenda leo katika Ofisi Ndogo za Wizara Jijini Dar es Salaam

Baada ya kupokea nakala ya hati hizo Balozi Mulamula amemuahidi Balozi mteule ushirikiano katika utekelezaji wa majukumu yake ya kibalozi wakati wote atakaokuwepo nchini.

“Leo nimepokea nakala ya hati za utambulisho kutoka kwa Balozi Mteule wa Malawi na tumefarijika kwa Mhe. Rais Chakwera kumteua Balozi huyu mara baada ya Balozi wa awali kumaliza muda wake wa uwakilishi, hii ni ishara ya uhusiano wa karibu, undugu na urafiki uliopo baina ya Tanzania na Malawi,” amesema Balozi Mulamula

Kwa upande wake Balozi Mteule wa Malawi Mhe. Andrew Kumwenda amesema kuwa Malawi na Tanzania siku zote zimekuwa na uhusiano mzuri wa kidiplomasia na jukumu langu hapa kama Balozi ni kuhakikisha uhusiano huu unazidi kuku ana kuimarika.

“Tanzania inatekeleza Diplomasia ya Uchumi na vivyo hivyo Malawi………kwa hiyo sisi wote tuna lengo moja, na nitahakikisha Tanzania na Malawi zinashirikiana kufanya biashara na uwekezaji kwa maslahi ya pande mbili,” Amesema Balozi Kumwenda.

Waziri wa Mambo ya Nje na Ushirikiano wa Afrika Mashariki Balozi Liberata Mulamula akipokea nakala ya Hati za Utambulisho kutoka kwa Balozi Mteule wa Malawi nchini Mhe. Andrew Kumwenda leo katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki Balozi Liberata Mulamula akiongea na Balozi Mteule wa Malawi nchini Mhe. Andrew Kumwenda leo katika Ofisi Ndogo za Wizara Jijini Dar es Salaam

Balozi Mteule wa Malawi nchini Mhe. Andrew Kumwenda akimfafanulia jambo Waziri wa Mambo ya Nje na Ushirikiano wa Afrika Mashariki Balozi Liberata Mulamula mara baada ya kuwasilisha nakala ya Hati za Utambulisho

Mazungumzo baina ya Waziri wa Mambo ya Nje na Ushirikiano wa Afrika Mashariki Balozi Liberata Mulamula na Balozi Mteule wa Malawi nchini Mhe. Andrew Kumwenda yakiendelea katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki Balozi Liberata Mulamula katika picha ya pamoja na Balozi Mteule wa Malawi nchini Mhe. Andrew Kumwenda

Waziri wa Mambo ya Nje na Ushirikiano wa Afrika Mashariki Balozi Liberata Mulamula na Balozi Mteule wa Malawi nchini Mhe. Andrew Kumwenda katika picha ya pamoja na maafisa walioambatana nao

Na Mwandishi wetu, Dar 

Shirika la Umoja wa Mataifa la Mpango wa Chakula Duniani (WFP) limeahidi kushirikiana na Serikali ya Jamhuri ya Muungano wa Tanzania katika kuboresha kilimo nchini na kukifanya kuwa cha kisasa zaidi.

Ahadi hiyo imetolewa na Mkurugenzi wa Kanda ya Kusini mwa Afrika wa Shirika la Umoja wa Mataifa la Mpango wa Chakula Duniani (WFP) Dkt. Menghestab Haile alipokutana kwa mazungumzo na Waziri wa Mambo ya Nje na Ushirikiano wa Afrika Mashariki Balozi Liberata Mulamula katika Ofisi Ndogo za Wizara Jijini Dar es Salaam.

Dkt. Haile amesema WFP inajivunia uhusiano mzuri na Tanzania na itaendelea kudumisha uhusiano na ushirikiano huo kwa maslahi ya pande zote mbili.

“Leo tumejadili na kuona ni namna gani tunaweza kuwaunga mkono wakulima wa Tanzania ili waweze kupata faida zaidi kupitia kilimo ambapo faida hiyo itawasaidia kuyaboresha zaidi maisha yao,” amesema Dkt. Haile

“………… kwa kuwa kilimo ndiyo sekta pekee inayotoa fursa ya ajira kwa wingi duniani, tuna mkakati wa kuwawezesha vijana kujikita zaidi kwenye kilimo ili kupunguza tatizo la ajira,” amesema Dkt. Haile na kuongeza kuwa WFP itahakikisha Tanzania inakuwa kituo cha uzalishaji katika ukanda wa Kusini mwa Afrika kwa kuwa ina rasilimali za kutosha kuwekeza katika sekta ya Kilimo. 

Nae Waziri wa Mambo ya Nje na Ushirikiano wa Afrika Mashariki Balozi Liberata Mulamula amemuahidi Mkurugenzi huyo wa WFP kuwa Serikali itatoa ushirikiano wa kutosha kuhakikisha sekta ya kilimo nchini inaboreshwa zaidi.

“Nimewahakikishia WFP kuwa Serikali ipo tayari kutoa ushirikiano katika kuhakikisha maboresho katika sekta ya kilimo yanafanyika na kuboresha maisha ya wakulima na kuwafanya vijana kujikita zaidi kwenye sekta hiyo muhimu,” amesema Balozi Mulamula.

Pamoja na mambo mengine, viongozi hao wamejadili masuala mbalimbali ya kuendeleza na kuimarisha ushirikiano baina ya Serikali ya Jamhuri ya Muungano wa Tanzania na WFP katika kuboresha zaidi sekta ya kilimo.

Waziri wa Mambo ya Nje na Ushirikiano wa Afrika Mashariki Balozi Liberata Mulamula akiongea na Mkurugenzi wa Kanda ya Kusini mwa Afrika wa Shirika la Umoja wa Mataifa la Mpango wa Chakula Duniani (WFP) Dkt. Menghestab Haile katika Ofisi Ndogo za Wizara Jijini Dar es Salaam

Mkurugenzi wa Kanda ya Kusini mwa Afrika wa Shirika la Umoja wa Mataifa la Mpango wa Chakula Duniani (WFP) Dkt. Menghestab Haile akiongea na Waziri wa Mambo ya Nje na Ushirikiano wa Afrika Mashariki Balozi Liberata Mulamula katika Ofisi Ndogo za Wizara Jijini Dar es Salaam

Kikao cha Waziri wa Mambo ya Nje na Ushirikiano wa Afrika Mashariki Balozi Liberata Mulamula na Mkurugenzi wa Kanda ya Kusini mwa Afrika wa Shirika la Umoja wa Mataifa la Mpango wa Chakula Duniani (WFP) Dkt. Menghestab Haile kikiendelea katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki Balozi Liberata Mulamula na Mkurugenzi wa Kanda ya Kusini mwa Afrika wa Shirika la Umoja wa Mataifa la Mpango wa Chakula Duniani (WFP) Dkt. Menghestab Haile katika picha ya Pamoja Mwakilishi wa Shirika la Umoja wa Mataifa la Mpango wa Chakula Duniani (WFP) Bibi. Sarah Gordon-Gibson wa kwanza kushoto, kulia mwa Balozi Mulamula ni Mkurugenzi wa Idara ya Ushirikiano wa Kimataifa katika Wizara ya Mambo ya Nje na Ushirikiano wa Afrika Mashariki, Balozi Makocha Tembele anayefuatia ni Bw. Hlalanathi Fundzo kutoka WFP.

Na Mwandishi wetu, Dar

Serikali ya Tanzania imekutana na Umoja wa Ulaya (EU) kujadili masuala mbalimbali yanayohusu Mkataba wa Ushirikiano wa Kiuchumi (EPA) kati ya Umoja huo na Tanzania.

Akiongea wakati wa kikao cha wataalamu kutoka Tanzania na EU kilichofanyika Jijini Dar es Salaam, Katibu Mkuu wa Uwekezaji, Viwanda na Biashara Prof. Godius Kahyarara amesema kikao hicho kinalenga kujadili makubaliano yaliyokwama awali kutokana na Tanzania kutokuwa tayari kuridhia baadhi vipengele vilivyomo kwenye mkataba huo.

Prof. Kahyarara amesema Tanzania haikukubaliana na baadhi ya vipengele vya mkabata wa EPA na kuona kuwa ni vigumu kuingia katika makubaliano ya mkataba huo kabla ya kurekebisha vipengele hivyo.

“Tumekaa na wataalamu wetu na wenyewe wamekuja na wataalamu wao, tutapitia kipengele kimoja baada ya kingine na tunaamini tutafika mwisho na kama tulivyo waambia wenzetu wa EU tunaona faida ya kufanya biashara na wao kwa maslahi ya pande zote mbili,” amesema Prof. Kahyarara  

Kwa upande wake Balozi wa Umoja wa Ulaya nchini Mhe. Manfredo Fanti amesema majadiliano hayo yanalenga kuangalia vipengele vya mkataba ambavyo Tanzania ilionesha mashaka  katika kikao kilichopita ili kuvipatia ufumbuzi na kusonga mbele kwa pamoja hasa ikizingatiwa kuwa Tanzania sasa inatoa kipaumbele katika utekelezaji wa Diplomasia ya Uchumi.

“Itakumbukwa kuwa Tanzania inatekeleza diplomasia ya uchumi na wawekezaji kutoka Umoja wa Ulaya wanania ya kuja kuwekeza Tanzania na Afrika Mashariki, hivyo tukikamilisha majadiliano haya itakuwa ni jambo lenye maslahi kwa pande zote,” Amesema Balozi Fanti.  

Kikao cha leo kinatokana na mazungumzo ambayo Rais wa Jamhuri ya Muungano wa Tanzania Mhe. Samia Suluhu Hassan aliyafanya alipokuwa katika ziara ya kikazi nchini Ubelgiji ambapo alikutana na Rais wa Baraza Kuu la Umoja wa Ulaya, Bw. Charles Michael mwezi Februari 2022.

Balozi wa Umoja wa Ulaya nchini Mhe. Manfredo Fanti akiongea na washiriki wa kikao (hawapo pichani), kulia ni Katibu Mkuu wa Uwekezaji, Viwanda na Biashara Prof. Godius Kahyarara katika kikao kilichofanyika Jijini Dar es Salaam

Balozi wa Umoja wa Ulaya nchini Mhe. Manfredo Fanti akiongea na washiriki wa kikao, kulia ni Katibu Mkuu wa Uwekezaji, Viwanda na Biashara Prof. Godius Kahyarara katika kikao kilichofanyika Jijini Dar es Salaam

Kikao kikiendelea

Washiriki kutoka Tanzania na Umoja wa Ulaya wakiwa katika picha ya pamoja